ޝަރީފީ ޕްރީ ސްކޫލްގެ 14 ވަނަ އަހަރީ ދުވަސް ފާހަގަކުރުމުގެ ގޮތުން ބޭއްވި ހަރަކާތްތައް ނިމިއްޖެ

ޝަރީފީ ޕްރީ ސްކޫލްގެ 14 ވަނަ އަހަރީ ދުވަސް ފާހަގަކުރުމުގެ ގޮތުން ބޭއްވި ހަރަކާތްތައް ރޭ ބޭއްވި ޚާއްސަ ސްޓޭޖް ޝޯއިން ނިމިއްޖެއެވެ. އަހަރީ ދުވަސް ފާހަގަކުރުމުގެ އެއްމެ ފަހު އައިޓަމެއްގެ ގޮތުން ބެލެނިވެރިންނާއި ޓީޗަރުން ގުޅިގެން ބޭއްވި ސްޓޭޖް ޝޯގައި ސްކޫލްގެ ދަރިވަރުންގެ އިތުރުން ބެލެނިވެރިންވެސް ވަނީ ވަރަށް ފުރިހަމަ އައިޓަމްތަކެއް ހުށަހަޅާފައެވެ.<އިތުރަށް ވިދާޅުވެ ކޮމެންޓް ކުރެއްވުމަށް>

 

އަނެއްކާވެސް ޑްރަގުގެ ނުސާފުވައިން ޖައްވު ކިލަނބުވަނީއެވެ

ރަށުގައި ތިބި ޑްރަގު ބޭނުންކުރާ މީހުން ޑްރަގާއި ދުރުހެލިވެ، މުޖުތަމައު މި ނުރައްކާތެރި ވަބާއިން ސަލާމަތްކުރަން އުޅުމަށްފަހު އަނެއްކާވެސް އޭގެ ތެރެއިން ބަޔަކު މިވަނީ ޑްރަގުގެ ނުސާފު ވައިން ޖައްވު ކިލަނބުކުރަން ފަށާފައެވެ. މިކަން މިވަނީ ރަށުގެ ކުދިބޮޑު އެއްމެންނަށް އެނގޭ ބޮޑުސިއްރެއްގެ ގޮތުގައެވެ. ނަމަވެސް މިކަމާއި ވާހަކަ ދައްކައި މިކަންކުރާ މީހުން ހަމަ މަގައް އަޅުވާނެ މީހަކު ނެތެވެ. މިކަން ކުރާމީހުން އެއްމެންނަށް އެގޭއިރުވެސް އެކަން ހުއްޓުވުމަށް މަސައްކަތް ނުކޮށްތިބުމަކީ ޒިންމާދާރު ގޮތެއްނޫނެވެ. <އިތުރަށް ވިދާޅުވެ ކޮމެންޓް ކުރެއްވުމަށް>

 

ސިޔާސީ ފެންޑާ: ޑީއާރްޕީން ކުރާ ކެންޕޭންތަކުގައި ފައިސާ ބެހުން

ސުރުޚީގައި ސިޔާސީ ފެންޑާ އޮތުމުން މި ލިޔުމަކީ ޓީވީން މިހާރު ފޮނުވަމުންގެންދާ ސިޔާސީ ފެންޑާގެ ވާހަކަ ކަމަށް ހީވެދާނެއެވެ. ނަމަވެސް އަޅުގަޑު މިދަންނަވަން އުޅޭ ސިޔާސީ ފެންޑާއަކީ ޓީވީން ފޮނުވާ ސިޔާސީ ފެންޑާއަށްވުރެ މާ ފުޅާކޮށް ކުރިއަށް ގެންދާ ސިޔާސީ ފެންޑާއެއްގެ ވާހަކައެވެ. އާދެ! މަލްޓި ޕާޓީ ސިޔާސީ ފެންޑާއެއްގެ ވާހަކައެވެ. އިތުރަށް ވިދާޅުވެ ކޮމެންޓް ކުރެއްވުމަށް

 

ސަންޓަލްކަޕް ވަގުތުން

ސަންޓަލްކްޕް2008 ގައި މާދަމާ ހަވީރު ކުޅެވޭ މެޗްގެ ލައިވް އަޕްޑޭޓް މީދޫލައިވް.ކޮމްއިން ގެނެސްދެވޭނެ ވާހަކަ ކިޔުންތެރިންގެ މަޢުލޫމާތަށްޓަކައި ދެންނެވީމެވެ. މިމެޗްގައި ބައްދަލުކުރާނީ މުއްސަދުމަންސޫރުގެ ކެޕްޓަންކަމުގައި ކުޅޭ މައިސްޓަރ އާއި އަބްދުﷲސައީދުގެ ކެޕްޓަންކަމުގައިކުޅެވޭ އައިޓެކްގެ ޓީމެވެ. މިމެޗްގެ ލައިވްއަޕްޑޭޓް ފެށުމަށް ހަމަޖެހިފައިވަނީ ހަވީރު 4.00ގައެވެ.

 

އައްޑޫ ފްޓްސަލް ޗެލެންޖް 2008

މިމުބާރާތުގައި އިއްޔެ ކުޅެވުނުފުރަތަމަ މެޗްގައި ބައްދަލުކުރީ ހަނދުފުށީ ޓީމާއި މަރަދޫ ބީ ޓީމެވެ. މިމެޗް 3 ލަޑު 2 ލަޑުން ކާމިޔާބުކުރީ މަރަދޫ ބީޓީމެވެ. މިމެޗްގެ އެންމެ މޮޅުކުޅުންތެރިއަކަށް ހޮވުނީ މަރަދޫ ޓީމްގެ ހުސެން އަބީދެވެ. <އިތުރަށް ވިދާޅުވެ ކޮމެންޓް ކުރެއްވުމަށް>

 

އެއްއާއިލާއެއްގެ 5މީހުންގެ ތެރެއިން 3ދަރިންމެރުމަށްފަހު މަންމައާއި ބައްޕަ ދަންޖެހިއްޖެ

އޮގަސްޓް 10, 2008 އައްޔަ

އަވަށްޓެރި އިންޑިއާގައި އެއްއާއިލާއެއްގެ ފަސް މެމްބަރުންގެ ތެރެއިން 3 ކުދިން މެރުމަށްފަހު މަންމައާއި ބައްޕަ ދަންޖެހިގެން އަމިއްލައަށް މަރުވެއްޖެއެވެ. މިކާރިސާ މިގޮތަށް ހިގަންދިމާވި ސަބަބެއްކަމަށް މީޑިއާތަކުން ބުނަނީ މިފަސް މެމްބަރުންނަށްވެސް އެއިޑްސްޖެހިފައިވާކަން މިއާއިލާގެ މެމްބަރުންނަށް ޔަގީން ކުރެވިފައިވާތީ މިތިންކުދިންގެ މަންމަ އާއި ބައްޕަ ކުރާނެކަމެއް ނޭގިގެން އެކަމާއި ހިތްދަތިވެގެން މިތިން ކުދިންނަށް ޒަހަރުދީ މެރުމަށްފަހު މަންމައާއި ބައްޕަ އަމިއްލައަށް ދަންޖެހުނީކަމަށެވެ. އިންޑިއާގައި އެއިޑްސްޖެހޭމީހުންނާއި މެދު އެޤައުމުގެ ރައްޔިތުން ވަރަށް އިހާނެތި ގޮތަށް އަމަލުކުރަމުންގެންދާކަމީ ހަޤީގަތަކަށްވާއިރު ތިމާގެ އަމިއްލަދަރިއަކަށް ތިމާގެ ލޯކުރިމަތިން އެފަދަކަންތައް ކުރުމަށްވުރެ ތިމާމީހާ އަމިއްލައަށް މަރުވުމަކީ އެންމެ ރަގަޅުގޮތް ކަމަށް ދެކިގެން މިޢާއިލާ މިހާރުމިވަނީ މިދުނިޔެ ދޫކޮށްފައެވެ.

 

އައްޑޫ ފްޓަސަލް ޗެލެންޖް 2008:މީދޫ ސަންސެޓް ޓީމު ފުރަތަމަ މެޗުން އެއްވަރު

އޮގަސްޓް 10، 2008: ހަސަން ޝާހިދު

 

ހުޅުދޫ މަސްވެރިންގެ ޖަމްއިއްޔާ (އެޗް.އެމް.ޖޭ) އިން އިންތިޒާމުކޮށްގެން ބާއްވާ ފުޓްސަލް މުބާރާތުގައި މިއަދު ކުޅުނު ދެވަނަ މެޗްގައި މީދޫ ސަންސެޓް އެފް.ސީ މަރަދޫ އާއި ބައްދަލުކޮށް 2-2 ން އެެއްވަރުވެއްޖެއެވެ. މި މެޗްގެ ފުރަތަމަ ހާފްގައި މޮޅަށް ކުޅެ މަރަދޫ ޓީމުން ގޯލެއްޖެހި ނަމަވެސް ސަންސެޓް ޓީމުންވެސް ގޯލު ޖަހާނެ ގިނ ފުރުސަތުތަކެއް ހޯދާފައިވެއެވެ.

ދެވަނަ ހާފު ފެށިގެން މާގިނައިރުތަކެއް ނުވެ މަރަދޫ ޓީމުން އެމީހުންގެ ދެވަނަ ގޯލު ކާމިޔާބު ކުރިއެވެ. މި ނަތީޖާއާއެކު ސަންސެޓް ޓީމުގެ ކުޅުން ވަރުގަދަކޮށް ގިނަ ހަމަލާތަކެއް އުފައްދަން ފެށިއެވެ. ޚާއްސަކޮށް ސަންސެޓް ޓީމުގެ ޖާޒީ ނަމްބަރު 8، މިރުފާނުގެ ހަމަލާތައް ވަރަގަދަވުމުގެ ސަބަބުން މަރަދޫ ޓީމު އެއްކޮށް ފަހަތައް ޖެހެން މަޖުބޫރުވިއެވެ. ނަތީޖާއަކަށްވީ ސަންސެޓް ޓީމުން މެޗް ނިމެން އެއްމެ ފަސްމިނެޓަށް ވެފައިވަނިކޮށް ދެ ގޯލު ޖަހައި 2-2 މެޗް އެއްވަރު ކުރުމެވެ. މި މެޗްގެ މޭން އޮފްދަ މެޗްގެ މަގާމު ހޯދާފައިވަނީ ސަންސެޓް ޓީމަށް 2 ގޯލު ކާމިޔާބުކޮށްދިން މިރުފާނުއެވެ. ސަންސެޓް ޓީމު ދެން މި މުބާރާތުގައި ބައްދަލުކުރާނީ މިއަދުގެ ފުރަތަމަ މެޗުން މޮޅުވި ހުޅުދޫ ބެސްޓް ސިލެކްޝަން ޓީމާއެވެ. މި މެޗް ކުޅުމަށް ހަމަޖެހިފައިވަނީ 12 އޮގަސްޓް 2008 ދުވަހު ހަވީރު 4:00 ގައެވެ.

 

މީދޫ ބައެއް ދަނޑުތަކަށް ބޮޑެތި ގެއްލުންތަކެއް ދީފި

އޮގަސްޓް 10، 2008: ހަސަން ޝާހިދު

ސ.މީދޫގެ ބައެއް ދަނޑުތަކަށް އިއްޔެރޭ ވަގުތެއްގައި ބޮޑެތި ގެއްލުންތަކެއް ދީފައިވާކަން މީދޫ ވީކްލީއަށް ޚަބަރު ލިބުމާއި ގުޅިގެން މި ނޫހުގެ ރިޕޯޓަރުން އިއްޔެ ހަވީރު އެ ދަނޑުތަކަށް ޒިޔާރަތް ކުރިއެވެ. ގެއްލުން ދީފައިވާ ދެ ދަނޑަކީ ސ.މީދޫ ދޭލިޔާވިލާ އާއިލާގެ ބޭފުޅުން ހައްދަމުން ގެންދާ ދަނޑަކަށާއި، ސ.މީދޫ ކަޅިހާރު ހަސަން ދީދީ ހައްދަމުންގެންދާ ދަނޑަކަށެވެ.

 

ޤަޢުމީޓީމްގެ ކުޅުންތެރިންނާއި އޮފިޝަލުންނާއިމެދު ފިޔަވަޅު އަޅާނަން. އެފްއޭއެމް

އޮގަސްޓް 10، 2008: އައްޔަ

 

 

 

އެފްއޭއެމްގެ ޤަވާއިދުތަކާއި އުޞުލުތަކާއި ޚިލާފަށް ދިވެހިރައްޔިތުންގެ ޕާޓީގެ ރިޔާސީކެމްޕޭން ރަސްމީގޮތުން ފެއްޓުމަށްޓަކައި 2008 އޮގަސްޓް 8 ވަނަ ދުވަހުގެރޭ މާލޭ އަލިމަސްކާނިވަލުގެ ސްޓޭޖުގައި ބޭއްވި ކުލަގަދަ ރަސްމިއްޔާތުގައި ޤަޢުމީޓީމުގެ ނަމުގައި ބައިވެރިވި ދިވެހި ޤަޢުމީ ފުޓްބޯޅަޓީމުގެ ކުޅުންތެރިންނާއި އޮފިޝަލުންނާއި ދެކޮޅަށް އަޅަންޖެހޭ ފިޔަވަޅު ފަސްޖެހުމެއްނެތި އަޅާނެކަމަށް އެފްއޭއެމްގެ ޗެއަރމަން އަލީ އާޒިމް ވިދާޅުވެއްޖެއެވެ.

 

ކުއްލި ޚަބަރު: ތަށި މީދޫއަށް ނުގެންގޮސް ހުޅުދޫއިން ގަމަށް

އޮގަސްޓް 09، 2008: ހަސަން ޝާހިދު

ސާފް ޗެމްޕިއަންޝިޕް ތަށި މިއަދު މެންދުރުފަހު މީދޫއަށް ގެންދާގޮތަށް ހަމަޖެހިފައިވާކަމަށް ރަށުތެރޭގައި ޚަބަރު ފެތުރިފައިވަނިކޮށް ތަށި ހިފައިގެން ހުޅުދޫއަށް އައި ޓީމު 12:31 ގައި ގަމަށް ފުރައިފިއެވެ. ސާފް ޗެމްޕިއަން ތަށި މީދޫއަށް ނުގެންގޮސް ފުރައިގެން ދިޔައީ ކީއްވެގެންކަމެއް ތަށި ހިފައިގެން އައި ޓީމުން ހާމައެއް ނުކުރެއެވެ. ރަށުތެރޭގެ ޚަބަރުތަކަށް ބަލާއިރު ތަށި މީދޫއަށް ނުގެންގޮސް ފުރައިގެންދިޔައީ މީދޫގެ ރައްޔިތުންގެ ތެރެއިން ގިނަ ބަޔަކު ތަށި ގެންދިއުމާއި ދެކޮޅުހަދާފައިވާތީއެވެ.