Welcome to Meedhoo Weekly

ސުރުޚީގައި އެވަނީ ސުވާލެކެވެ. މި ސުވާލަކީ ރަށުގެ ވަރަށް ގިނަބަޔަކު އެކަކު އަނެކަކާ ކުރަމުން އަންނަ ސުވާލެކެވެ. ބައެއް މީހުންނަށް ސުވާލުގެ ޖަވާބު އެގިނުލައްވާނެއެވެ. އަނެއްބައި މީހުންނަށް މި ސުވާލުގެ ޖަވާބު އެގުނަސް ހާމައެއް ނުކުރާނެއެވެ. އެކި ސަބަބުތަކާހެދި ސިއްރުކުރަން މަޖްބޫރުވެގެންނެވެ. ހަމަ ޔަގީނުންވެސް ޖަވާބު އަޅުގަޑަކަށް ނޭގެއެވެ. އެގޭނަމަ ސުވާލުކުރުމުގެ ބަދަލުގައި ސުރުޚީގައި ޖަވާބު ލިޔާނަމެވެ. އެއަށްފަހު ޖަވާބު ހޯދިގޮތްވެސް ހާމަކުރާނަމެވެ. ހިތާމައަކީ އަޅުގަޑަށް ޖަވާބު ނޭގުނުއިރު އެގޭމީހުން އެކަން ސިއްރުކުރާތީއެވެ.<އިތުރަށް ވިދާޅުވެ ޚިޔާލު ފާޅުކުރެއްވުމަށް>

ރިޕޯޓް ހުށަހެޅުއްވީ: އަލްބާރޓް

މިދުވަސްވަރަކީ ރަށުގައި ވަރަށް ގިނަ ކުޅިވަރު މުބަރާތްތައް ބޭއްވެމުންދާ ދުވަސްވަރެކެވެ. ދެޖިންސްގެ ޒުވާނުންގެ މެދުގައިވެސް ކުޅިވަރުގެ ފޯރި އާދަޔާޚިލާފަށް ގަދަވެފައިވާ ދުވަސްވަރެކެވެ. މުބާރާތަކަށްފަހު މުބާރާތެއް އަންނަނީ ބޭއްވެމުންނެވެ. އަވަށްޓެރި ހުޅުދޫގައި ވެސް ކުޅިވަރު މުބަރާތްތައް ދަނީ ބޭއްވެމުންނެވެ. އަދި ކުރިއަށް މުބާރާތްތައް ރޭވިފައި ނުވަތަ ރާވަމުންދާ ވާހަކައިގެ އަޑުވެސް ދެރަށުގައި ނުހަނު ބާރެވެ.<އިތުރަށް ވިދާޅުވެ ޚިޔާލު ހުށަހެޅުއްވުމަށް>

ޝަރީފީ ޕްރީ ސްކޫލްގެ 14 ވަނަ އަހަރީ ދުވަސް ފާހަގަކުރުމުގެ ގޮތުން ބޭއްވި ހަރަކާތްތައް ރޭ ބޭއްވި ޚާއްސަ ސްޓޭޖް ޝޯއިން ނިމިއްޖެއެވެ. އަހަރީ ދުވަސް ފާހަގަކުރުމުގެ އެއްމެ ފަހު އައިޓަމެއްގެ ގޮތުން ބެލެނިވެރިންނާއި ޓީޗަރުން ގުޅިގެން ބޭއްވި ސްޓޭޖް ޝޯގައި ސްކޫލްގެ ދަރިވަރުންގެ އިތުރުން ބެލެނިވެރިންވެސް ވަނީ ވަރަށް ފުރިހަމަ އައިޓަމްތަކެއް ހުށަހަޅާފައެވެ.<އިތުރަށް ވިދާޅުވެ ކޮމެންޓް ކުރެއްވުމަށް>

ރަށުގައި ތިބި ޑްރަގު ބޭނުންކުރާ މީހުން ޑްރަގާއި ދުރުހެލިވެ، މުޖުތަމައު މި ނުރައްކާތެރި ވަބާއިން ސަލާމަތްކުރަން އުޅުމަށްފަހު އަނެއްކާވެސް އޭގެ ތެރެއިން ބަޔަކު މިވަނީ ޑްރަގުގެ ނުސާފު ވައިން ޖައްވު ކިލަނބުކުރަން ފަށާފައެވެ. މިކަން މިވަނީ ރަށުގެ ކުދިބޮޑު އެއްމެންނަށް އެނގޭ ބޮޑުސިއްރެއްގެ ގޮތުގައެވެ. ނަމަވެސް މިކަމާއި ވާހަކަ ދައްކައި މިކަންކުރާ މީހުން ހަމަ މަގައް އަޅުވާނެ މީހަކު ނެތެވެ. މިކަން ކުރާމީހުން އެއްމެންނަށް އެގޭއިރުވެސް އެކަން ހުއްޓުވުމަށް މަސައްކަތް ނުކޮށްތިބުމަކީ ޒިންމާދާރު ގޮތެއްނޫނެވެ. <އިތުރަށް ވިދާޅުވެ ކޮމެންޓް ކުރެއްވުމަށް>

ސުރުޚީގައި ސިޔާސީ ފެންޑާ އޮތުމުން މި ލިޔުމަކީ ޓީވީން މިހާރު ފޮނުވަމުންގެންދާ ސިޔާސީ ފެންޑާގެ ވާހަކަ ކަމަށް ހީވެދާނެއެވެ. ނަމަވެސް އަޅުގަޑު މިދަންނަވަން އުޅޭ ސިޔާސީ ފެންޑާއަކީ ޓީވީން ފޮނުވާ ސިޔާސީ ފެންޑާއަށްވުރެ މާ ފުޅާކޮށް ކުރިއަށް ގެންދާ ސިޔާސީ ފެންޑާއެއްގެ ވާހަކައެވެ. އާދެ! މަލްޓި ޕާޓީ ސިޔާސީ ފެންޑާއެއްގެ ވާހަކައެވެ. އިތުރަށް ވިދާޅުވެ ކޮމެންޓް ކުރެއްވުމަށް

ސަންޓަލްކްޕް2008 ގައި މާދަމާ ހަވީރު ކުޅެވޭ މެޗްގެ ލައިވް އަޕްޑޭޓް މީދޫލައިވް.ކޮމްއިން ގެނެސްދެވޭނެ ވާހަކަ ކިޔުންތެރިންގެ މަޢުލޫމާތަށްޓަކައި ދެންނެވީމެވެ. މިމެޗްގައި ބައްދަލުކުރާނީ މުއްސަދުމަންސޫރުގެ ކެޕްޓަންކަމުގައި ކުޅޭ މައިސްޓަރ އާއި އަބްދުﷲސައީދުގެ ކެޕްޓަންކަމުގައިކުޅެވޭ އައިޓެކްގެ ޓީމެވެ. މިމެޗްގެ ލައިވްއަޕްޑޭޓް ފެށުމަށް ހަމަޖެހިފައިވަނީ ހަވީރު 4.00ގައެވެ.

މިމުބާރާތުގައި އިއްޔެ ކުޅެވުނުފުރަތަމަ މެޗްގައި ބައްދަލުކުރީ ހަނދުފުށީ ޓީމާއި މަރަދޫ ބީ ޓީމެވެ. މިމެޗް 3 ލަޑު 2 ލަޑުން ކާމިޔާބުކުރީ މަރަދޫ ބީޓީމެވެ. މިމެޗްގެ އެންމެ މޮޅުކުޅުންތެރިއަކަށް ހޮވުނީ މަރަދޫ ޓީމްގެ ހުސެން އަބީދެވެ. <އިތުރަށް ވިދާޅުވެ ކޮމެންޓް ކުރެއްވުމަށް>

އޮގަސްޓ 11، 2008: އައްޔަ

އެއްދުވަހު ހަވީރު އަޅުގަނޑުގެ ރައްޓެއްސެއްކަމަށްވާ މުޙައްމަދުއާއި އެކު ރަށުތެރޭގައި ބުރެއް ޖެހުމަށް ސައިކަލުގައި ނުކުތީމެވެ. އަޅުގަނޑުމެން ދެމީހުން ދުއްވަމުން ދުއްވަމުންގޮސް ކޮފީއެއް ބުއިމަށްޓަކައި ރަށުގެ ކުޑަކުދިންގެ ޕާރކުގެ ހުޅަގުން ހުރި “ވިޝްޕޮއިންޓް” ކިޔާތަނަކަށް ވަދެ ދެކޮފީގެނެސްދިނުމަށް ވޭޓަރުކާއީގައި ބުނީމެވެ. ވަރަށް އުފަލުން ދެމީހުން އޮލަވާހަކަ ދައްކަމުން އިސާހިތަކު ކޮފީބޮއެނިންމައި ފައިސާ ދިނުމަށްފަހު ރަށުތެރެއަށް މިސްރާބުޖެހީމެވެ. އަޅުގަނޑުމެން ދެމީހުން ދަމުންގޮސް ބޮޑުމަގުގެ ބުރުކާރިއަށް މަޑުކުރީމެވެ. އޭރުގަޑިން ހަވީރު 5.45 ކެވެ. އަޅުގަނޑު ވަރަށް ރަގަޅަށް ބުރުކާރީގައި ހުރެގެން ރަށުގެ ހަތަރުފަރާތަށް ކަޅި ހިންގާލީމެވެ. އަސްތާ ކަމަކުދާކަށް ނެތެވެ. ހަތަރު އުދަރެސް ބެދެނީއެވެ. އަނެއްކޮޅުން ވައި ގަދަވެ ގުގުރާން ފަށައިފިއެވެ. ﷲގެ ކުޅަދުންވަންތަކަމާއެވެ. އަވަސްއަވަހަށް މުޙައްމަދުގެ ގެއަށް ދިއުމަށް ދެމީހުން އަވަސްވެގަތީމެވެ. މުހައްމަދުގެ ގެއާއި ހަމަވިތަނާ ވަރަށްބޯކޮށް ވާރޭވެހެން ފަށައިފިއެވެ. ދެމީހުންވެސް މުހައްމަދުގެ ގެކަމަށްވާ ‘ސޯނަމީ”އަށްވަނީމެވެ. އެގެއަށްވަދެ އިށީންތަނުން ކަމަކުދާކަށްނެތެވެ. އެހެރައައި އަންހެންކުއްޖެއްގެ ރީތިކަމުންނެވެ. ފުރިހަމަކަމުންނެވެ. އިތުރަށްވިދާޅުވެ ކޮމެންޓް ކުރެއްވުމަށް

އޮގަސްޓް 10, 2008 އައްޔަ

އަވަށްޓެރި އިންޑިއާގައި އެއްއާއިލާއެއްގެ ފަސް މެމްބަރުންގެ ތެރެއިން 3 ކުދިން މެރުމަށްފަހު މަންމައާއި ބައްޕަ ދަންޖެހިގެން އަމިއްލައަށް މަރުވެއްޖެއެވެ. މިކާރިސާ މިގޮތަށް ހިގަންދިމާވި ސަބަބެއްކަމަށް މީޑިއާތަކުން ބުނަނީ މިފަސް މެމްބަރުންނަށްވެސް އެއިޑްސްޖެހިފައިވާކަން މިއާއިލާގެ މެމްބަރުންނަށް ޔަގީން ކުރެވިފައިވާތީ މިތިންކުދިންގެ މަންމަ އާއި ބައްޕަ ކުރާނެކަމެއް ނޭގިގެން އެކަމާއި ހިތްދަތިވެގެން މިތިން ކުދިންނަށް ޒަހަރުދީ މެރުމަށްފަހު މަންމައާއި ބައްޕަ އަމިއްލައަށް ދަންޖެހުނީކަމަށެވެ. އިންޑިއާގައި އެއިޑްސްޖެހޭމީހުންނާއި މެދު އެޤައުމުގެ ރައްޔިތުން ވަރަށް އިހާނެތި ގޮތަށް އަމަލުކުރަމުންގެންދާކަމީ ހަޤީގަތަކަށްވާއިރު ތިމާގެ އަމިއްލަދަރިއަކަށް ތިމާގެ ލޯކުރިމަތިން އެފަދަކަންތައް ކުރުމަށްވުރެ ތިމާމީހާ އަމިއްލައަށް މަރުވުމަކީ އެންމެ ރަގަޅުގޮތް ކަމަށް ދެކިގެން މިޢާއިލާ މިހާރުމިވަނީ މިދުނިޔެ ދޫކޮށްފައެވެ.

އޮގަސްޓް 10، 2008: ހަސަން ޝާހިދު

ހުޅުދޫ މަސްވެރިންގެ ޖަމްއިއްޔާ (އެޗް.އެމް.ޖޭ) އިން އިންތިޒާމުކޮށްގެން ބާއްވާ ފުޓްސަލް މުބާރާތުގައި މިއަދު ކުޅުނު ދެވަނަ މެޗްގައި މީދޫ ސަންސެޓް އެފް.ސީ މަރަދޫ އާއި ބައްދަލުކޮށް 2-2 ން އެެއްވަރުވެއްޖެއެވެ. މި މެޗްގެ ފުރަތަމަ ހާފްގައި މޮޅަށް ކުޅެ މަރަދޫ ޓީމުން ގޯލެއްޖެހި ނަމަވެސް ސަންސެޓް ޓީމުންވެސް ގޯލު ޖަހާނެ ގިނ ފުރުސަތުތަކެއް ހޯދާފައިވެއެވެ.

ދެވަނަ ހާފު ފެށިގެން މާގިނައިރުތަކެއް ނުވެ މަރަދޫ ޓީމުން އެމީހުންގެ ދެވަނަ ގޯލު ކާމިޔާބު ކުރިއެވެ. މި ނަތީޖާއާއެކު ސަންސެޓް ޓީމުގެ ކުޅުން ވަރުގަދަކޮށް ގިނަ ހަމަލާތަކެއް އުފައްދަން ފެށިއެވެ. ޚާއްސަކޮށް ސަންސެޓް ޓީމުގެ ޖާޒީ ނަމްބަރު 8، މިރުފާނުގެ ހަމަލާތައް ވަރަގަދަވުމުގެ ސަބަބުން މަރަދޫ ޓީމު އެއްކޮށް ފަހަތައް ޖެހެން މަޖުބޫރުވިއެވެ. ނަތީޖާއަކަށްވީ ސަންސެޓް ޓީމުން މެޗް ނިމެން އެއްމެ ފަސްމިނެޓަށް ވެފައިވަނިކޮށް ދެ ގޯލު ޖަހައި 2-2 މެޗް އެއްވަރު ކުރުމެވެ. މި މެޗްގެ މޭން އޮފްދަ މެޗްގެ މަގާމު ހޯދާފައިވަނީ ސަންސެޓް ޓީމަށް 2 ގޯލު ކާމިޔާބުކޮށްދިން މިރުފާނުއެވެ. ސަންސެޓް ޓީމު ދެން މި މުބާރާތުގައި ބައްދަލުކުރާނީ މިއަދުގެ ފުރަތަމަ މެޗުން މޮޅުވި ހުޅުދޫ ބެސްޓް ސިލެކްޝަން ޓީމާއެވެ. މި މެޗް ކުޅުމަށް ހަމަޖެހިފައިވަނީ 12 އޮގަސްޓް 2008 ދުވަހު ހަވީރު 4:00 ގައެވެ.